السبت، أكتوبر 07، 2006

جحش بدروين !!


إهداء إلى تمر حنة
**************
الهى يرقى راجل البيت
و يركب جحش فوق الجحش
و تبقى الأرنبة فى البيت
تجيب للدنيا مليون طحش
و نلقى الأرنب المذعور
راجع للبيت و لابس وحش
داخل ينطح و زى التور
لكن ف الجد مبيفلحش
!!

4 Comments:

At 1:14 ص, Blogger تمر حنه said...

و الجحش خلاص يا كبدى مابيرمحش
لا الحبة الحبة الزرقا و لا الخضرا و لا البرسيم كسروا النحس
و الأرنبة مستنظرة يجيبلها المسامير
اللى هتدقها براسها فى قلب النعش
آه يا زمن على الوحش لما تبهدله الأيام
ياكل و يشرب و ينام و ياكبدى مابينطحش
و عجبى

 
At 4:23 ص, Blogger Mahmoud Serag said...

تواصل جميل
و نورتى البلوج

الوحش اتبهدل على الاخر
تفتكرى مين اللى جاب قرنه

D:

 
At 5:31 م, Anonymous غير معرف said...

أرنب وكامش وسط الناس
يمكن يسيبوه في حاله
داير يكع فلوس وخلاص
ولا حتى قعد له ماله
ينط حبة، ويعط حبة
يمكن يلاقي لحاله خلاص
يرجع لبيته وعياله
صريخ على زعيق، وماله؟
حاضر، حاضر، حاضر، حاضر
لاجل يبطل الوسواس
كل همومه يقضيه يومه
من غير حوجة ولا إفلاس
تيجوا تقولوا بعد ده كله
وحش وجحش وحبة وقرطاس ؟


وتحياتي للبلوج الجميل والمشاركات الأجمل

 
At 7:15 م, Blogger Mahmoud Serag said...

مرحب بالضيف الكريم

انت جبت المفيد

"كل همومة يقضيه يومه"

هى دى مصر يا عبله


سعيد بوجودك و سعيد أكتر علشان البلوج عجباك ، و أتمنى تنورنا على طول

 

إرسال تعليق

<< Home