قلمى اتقسم نصين
ف الحلم كان السؤال
حاير من بين شطين
و البحر كان المحال
.
.
خدت قلم و قولت
==========
ضاع الحلم
فى وسط ظروفى
رحت بكيت
على اطلال خوفى
قمت صرخت
فى وش العالم
بس صراخى
معداش جوفى
.
.
و اتعدلت بالتانى و رديت
==========
الحلم نابت
ما بين ضلوعك
و عوده لين
و ملك طوعك
اوعى الحروف
تصبح دموعك
تلقى السقوط
فى يوم طلوعك
4 Comments:
قلمين فيهم حكمتين
قلمين فيهم حكايتين
قلمين فيهم حكايتى وحكايتك
حكايتى مع الزمان
يا سيدي القلم الجديد عليا انا
مع ان القلم التاني انا حبيته اوي
LAMIA MAHMOUD
=============
كويس أن القلمين عجبوكى
أنا اليومين دول واخد بوكسين
بإذن الله أول ما أفوق من الإغماء أقولك عليهم :)
مصطفى اسماعيل
============
ميرسى يا مصطفى
و نورت البلوج
إرسال تعليق
<< Home