الاثنين، أكتوبر 09، 2006

قلمين


قلمى اتقسم نصين
ف الحلم كان السؤال
حاير من بين شطين
و البحر كان المحال
.
.
خدت قلم و قولت
==========
ضاع الحلم
فى وسط ظروفى
رحت بكيت
على اطلال خوفى
قمت صرخت
فى وش العالم
بس صراخى
معداش جوفى
.
.
و اتعدلت بالتانى و رديت
==========
الحلم نابت
ما بين ضلوعك
و عوده لين
و ملك طوعك
اوعى الحروف
تصبح دموعك
تلقى السقوط
فى يوم طلوعك

5 Comments:

At 9:35 م, Anonymous rania said...

قلمين فيهم حكمتين
قلمين فيهم حكايتين
قلمين فيهم حكايتى وحكايتك

 
At 6:20 م, Blogger Mahmoud Serag said...

حكايتى مع الزمان

 
At 7:02 ص, Blogger LAMIA MAHMOUD said...

يا سيدي القلم الجديد عليا انا
مع ان القلم التاني انا حبيته اوي

 
At 6:04 م, Blogger مصطفيتش ابن حفصوتشا said...

بس صراخى
معداش جوفى

جميل

 
At 6:04 ص, Blogger Mahmoud Serag said...

LAMIA MAHMOUD
=============
كويس أن القلمين عجبوكى
أنا اليومين دول واخد بوكسين
بإذن الله أول ما أفوق من الإغماء أقولك عليهم :)

مصطفى اسماعيل
============
ميرسى يا مصطفى
و نورت البلوج

 

إرسال تعليق

<< Home